متابعه غاده المصري
العنايه بنعومه قدميك
وصفة الرجلين لكي ياست الكل
عايزة كعب رجليك يبقى كدة هاتى يا ستى
5 معالق كربوناتو +كوب خل+ 5 معلقة ملح وحبة شامبو اى نوع
وطبق بلاستيك كبير كدا حطى فيها مية سخنة وحطى رجليكى فيها والمكونات ديه وقدام التليفزيون كدا وكل ما المية تبرد زودى بالكاتيل حبة سوخنين
هقعد اد ايه انا مش فاضية العيال مش هيسبونى فى حالى هى نصاية يا لوزة وهتفركى رجليكى فى بعض وقومى تجبى الحجر وتتدعكى الكعوب والرجل هتلاقي الجلد سهل فى الفرك
بعد ما تخلصى نشفى رجليكى وحطى الخلطة السحرية ديه
عندك اختيار من الاتنين
يا فازلين ودم غزال وتدهنى رجليكى
ياما زيت زيتون وجوز هند وزيت جلسرين و4 كبسولات فيتامين هه وزيت لوز
هتلاقى رجليكى بقت فى نعومة الاطفال وشكلها جميل والكعوب وردية
2- عوزه تفتحى رجليكى وجسمك كله وتبقى بيضه قشطه
الحل اهووووووووه
وصفه لتفتيح ونضاره الجسم
هديه لكل عروسه
المكونات:
حبة ليمون
كاس كبير ماء
نشا الذرة
الطريقة:
نقوم بتقطيع الليمونة و ووضعها في مقدار كاس من الماء تطهى مدة 10 دقائق و بعد ذلك نضعها
في خلاط كهربائي مع الماء الذي طهيت به و نضيف اليها ملعقتين من النشا و يضرب في الخلاط مرة اخرى
سنحصل على كريم و نضعه على الجسم يوميا لمدة 10 دقائق وبعد ذلك يشطف بالماء الدافئ
