يلا شوية نصائح للراحة النفسية و الروقان و الإنسجام

 يلا شوية نصائح للراحة النفسية و الروقان و الإنسجام

متابعه غاده المصري

كلمة حاضر بتريح قولي حاضر كتير

لما تكوني مش مقتنعة بكلام اللي قدامك لا تجادليه قولي تمام و خلاص هو/هي عالحالتين

اشربي يانسون و نعناع و شاي اخضر كتير

متعليش صوتك علشان مايتمسكش عليكي غلطة

تحلي ببرود الاعصاب و ابتسمي للعالم

ركزي مع نفسك انتي بس مش مع حد تاني

كلمة حاضر بتريح قولي حاضر كتير مرة تانية

فكري ألف مرة قبل ما تحكي

الوحدة احسن من الجَمعَة الكذابة

لا تركضي ورا أي شي ولا ورا حد

دافعي عن أفكارك بس مش مع أي حد لأن مش أي حد هيفهم

خليكي واثقة في نفسك أنتي زوجه اروبه ولهلوبه

اثبتي على موقفك دايماً مادام صح

اعترفي باخطائك عادي كلنا بنغلط

متسمحيش لحد يلغي شخصيتك

انتي حاجة كبيرة مش لازم تستني التقدير من حد قدري نفسك

ساعدي نفسك عشان توصلي لسلام نفسي يخليكي تتقبلي أي ظرف بتحصل

كل واحد عنده مشاكل فإنتي طبيعية متقلقيش

إنتي مش مضطرة تحاربي في حرب مش حربك

كلمة حاضر بتريح مرة تالتة

إنقذي نفسك قبل ما تفكري تنقذي حد

شجعي نفسك دايماً و خليكي مصدر قوتك

خليكي دايما متأكدة إن رب العالمين خلقك علشان ليكي لازمة في الحياة مفيش حد ملوش لازمة

متجيش على نفسك كتير إنتي مش مضطرة

أبعدي عن أي حاجة تعكر حياتك أو تتعب نفسيتك

عيشي الحياة بالطول والعرض ماتجيش علي نفسك ولا تتعبي أعصابك أفرحي وأسعدي نفسك بنفسك