ورقه وقلم واكتبي ورايا ياست الكل
شوية نصايح كده ع السريع هتفيدك في مطبخك وبيتك باذن الله لكل حبايبنا
غلايه الشاي اللي بالكهرباء مينفعش ميتغسلش ويتنضف كده بالشهور اغسليه كل اسبوع واغلي فيه كركديه واتفرجي ع اللمعان هينور ده لو استناليس الزجاجي مية وخل وملح
مرايات البيت عاوزاها تنور كده وميبقاش فيها علامات ادعها بسلكة مواعيين ناشفة وادعيلي
في اختراع اسمه صابونة البقع بتخلي الالمنيوم يرجع جديد والاستاليس ينور ويسلام لما تغسلي بيها حوض المطبخ هيبقى بيبروء
حطي كوبايه خل في زجاجة صابون المواعيين هتخفف من اضراراه وتقتل البكتيريا وتلمع الحلل
وانتي بتغسلي المواعيين قسميهم وخلي لكل حاجة فيهم ذكر معين يعني الكوبايات الصلاة عل النبي الملاعق والشوك تسبيح الاطباق تكبير وهكذا
هتلاقي نفسك خلصتي بسرعة واخدتي حسنات
لما تعملي اكل مثلا مكرونة بشاميل شيلي منها قطعة او اتنين في علبة وحطيهم في الديب فريزر وتاني يوم مثلا عملتي محشي شيلي طبق برضو وتالت يوم مثلا عملتي بانيه شيلي كام قطعة برضو لحد اخر الاسبوع هتلاقي عندك كام حاجة من كل حاجه طلعي وسخني علي طول واهو يوم ارتاحتي فيه من الوقفة في المطبخ
علشان مطبخك يبقى نضيف علي طول خصصي ربع ساعة كل يوم تعملي فيها حاجة خاصة للمطبخ
مثلا السبت في الربع ساعة دي تروقي كام ضلفة ف المطبخ وتمسحيها وتلعميها تاني يوم تكملي المطبخ اليوم اللي بعده تفرزي التلاجة وتظبطيها اليوم اللي بعده اغسلي طقم التوابل وتشوفي اللي ناقص وتمليه اللي بعده رفة الخزين وهكذا هتلاقي مطبخك فلة من غير ما تحسي
اعملي حصالة خاصة بالمطبخ ارمي فيها اي فكة كل يوم واخر الشهر اللي هيتحوش هاتي بيه حاجة ناقصة للمطبخ ورق لزق البوتجاز مج شكله حلو فوط جديد بدل القماس المقطع اللي بنمسك بيه الحلل هاتي استيكر الثلاجة هتلاقي مطبخك حلو علي طول
و مايمنعش بردوا تتصدقي بجزء من اللي حوشتيه صدقيني هايزود البركه في بيتك
واخر حاجه اوعي وانتي بتروقي مطبخك وبيتك تسهي عن اداء الصلاه في اول وقتها
