مبدعات مصريات زينب الشرقاوى فى فنون الكيك
حوار عن الشيف زينب الشروقاوى تم تكريمى فى عدة مهرجانات
تحكى عن مشوارها المجال
عندى 43سنه
عندى ولد فى صيدله وبنت فى اعدادى
ابتديت اشتغل وانا عندى ٢٠ سنه
عملت مشروع كبير جدا وكان ناجح جدا استمر ٧ سنين وحصلى فيه مشاكل دمرت حياتى للاسف
واجبرت انى اقعد فى البيت حوالى ٧سنين وكانوا اصعب ٧ سنين فى حياتى منعزله عن الكون مدمره نفسيا رافضه التعامل مع اى شخص بعد الخساير والمشاكل اللى حصلتلى
ومكانش ينفع ابدا اعمل اى مشروع او اخرج من البيت
ابتديت من جديد
حبيت عجينة السكر جدا حسيت بمتعه وانا بشتغل فيها وابتديت من اول وجديد فى مشروع جديد وابتديت من تحت الصفر
ولا كنت بعرف اعمل كيكة بيت عاديه
دورت واتعلمت وجرب وفشلت وتعب جدا بس سبحان الله ربنا عوضنى اوى
وبعتبر نفسى انسانه ناجحه
وده جزء من شغلى كله قابل للاكل ١٠٠%
اللى عاوزه اقولهولكم مفيش مستحيل ونقدر نتعلم وننجح ومنتكسرش ونبقا اقوى
واى حاجه ربنا بياخدها مننا بيكون ليه حكمه وعوض ربنا بيكون كبير اوى
الحمد لله
الحمد لله عندى اكاديميه اونلاين فيها ١٦٠٠ متدربه من كل العالم
فى المجال بقالى ١٤ سنه
