نصيحه علي الماشي
كتبت : غاده المصري
اولا
اللبن قطع منك اوعى ترميه وخليكي ست بيت شاطرة
ثانيا
اضربيه في الخلاط مع شوية سكر وكوب زبادي مع اي فاكهه ويبقي زبادو
ثالثاً
اضربيه في الخلاط مع ملح وهايبقي رايب جهينه
رابعاً
اضربيه في الخلاط واستخدميه في تتبيل اللحوم او الفراخ بديل الزبادي
خامساً
اعملي سلطة خضار باللبن الرايب حاجة عظمة
سادسا
جزر مبشور وبقدونس وطماطم وفلفل وبصل مقطعين وعليهم لبن رايب ونعناع وزعتر ورشة ملح وزودي رشة حبة البركه وممكن تحطي قطع جبنه فيتا او شيدر او قريش او اعملي سلطة زبادي بالخيار والثوم
سابعاً
اعجني بيه قرص فلاحي او بيتزا بدل اللى مابتسدش مع الولاد من برة
ثمانية
جبنه قريش وعظمة الجبنه القريش
تاسعاً
هاتغلي اللبن وتحطي م ك خل وملح حسب رغبتك وصفيه في مصفاه وبعد كدا حطيه في شاشه او قماشه نضيفه واربطيها وسيبيه تتصفي خالص وحطيها في التلاجه و بعد كدا استخدميها
عشراً
فكره كمان ممكن تعمليها بنفس الخطوات بس من غير ملح وبعد ماتجمد حطيها في الفريزر ولما تعملي بيتزا ابشريها متجمده هاتديكي نتيجة الموتزاريلا بس مش بتمط
الحادي عشر
فكره كمان اعملي جبنه قريش من غير ملح واستخدميها بديل الجبنه الكريمي للتشيز كيك بتبقي رووووعه
الثاني عشر
الشرش اللي هاينزل منك اوعي ترميه احتفظي بيه في الفريزر واستخدميه في المعجنات بديل المياه
بحبكم في الله ودمتم بخير وعافيه
