👈نصائح علي الماشي هتعجبكم اوي👍😘

👈نصائح علي الماشي هتعجبكم اوي👍😘

بقلم : غاده المصري

🌺_ لو لبس اطفالك مليان بقع هتعملي ايييية

حطي وانتي بتغسليه 2 معلقه ملح الليمون و 2 معلقه بيكربونات. وشوية خل أبيض وهيبقي عسل عسل عسل

🌺_ اهتمي بجمال مطبخك طيب ازاااااي

لو الكبه او الخلاط او العجان مليان زيوت هاتي بخاخه فيها ميه وحطي فيها معلقيتن كبار ملح الليمون وحطي علي فوطه مبلوله و سبيهم 10 دقائق وبعدين امسحي بليفه وهتبقي شمعه منوره اه والله بس جربي وادعيلي

🌺_ متنسيش كل اسبوع تنظفي التلاجه من اي حاجه ملهاش لازمه وتحطي فحم أو شوية فانيليا في طبق علشان تسحب الروايح

🌺_ وندخل بقي عالحماااام

بانيو الحمام والحوض مجيرين هقولك علي حل ياقلبي

هاتي فوطه قديمه وحطي شويه جاز حلوين وامسحي الحوض و البانيو بالجاز و شوفي اللمعان هيبقي عسل عسل عسل بس اوعي تتزحلقي اشطفيه كويس

وممكن كربونات الصوديوم ترشيهاوبعدعشردقايق نضفي بالفرشه هايبرق

🌺_ متنسيش بعد كل عشا تنظفي بوتجازك علشان متتراكمش عليه الدهون وبيبقي مش حلو ولو اتراكمت حطي خل و بيكربوناتو وسبيه 5 دقائق وهتشوفي هيبقي عسل بردة

🌺_ لو عندك هدوم بتبهت حطيها في طبق مع شويه خل لمده ساعه علشان اللون يثبت

🌺_ افتحي كل الشبابيك كل يومين جددي الاكسجين حتا لو الجو برد

🌺_ لو ابنك مغلبك في المذاكره بلاش اسلوب الضرب ابعدي عنو خالص انتي ام يعني الحنيه كلها فيكي و خديه براحه وهيفهم

🌺_ لو ابواب الاوض مش نظيفه حطي معلقه اريال في بخاخه و معلقه ملح ليمون و معلقه معطر علشان الريحه ورشي وسبيه شويه وامسحي بفوطه هيبقي عسل .

الجميع

إشارة

متابعين