يوسف صلاح نجم صغير
تصريحات لجريدة ستات شاطرة يقول عمرى ٨ سنين
رايح ٣ ابتدائي
متى اكتشفت موهبتك؟
اكتشفت الموهبه وانا عندي ٥ سنين كان في اول بطوله اعلان ليا كان اعلان لمستشفي سرطان الاطفال ٥٧٣٥٧
طبعا ماما وبابا هما أكبر داعم ليا انا من غيرهم بعد ربنا طبعا اعتقد مكنتش وصلت لاي حاجه خصوصا ماما هي المدربه بتاعتي واعتقد هي افضل مدربه في العالم بجد بتتعب معايا جدا في حفظ السيناريو وهي اللي بتجهزلي الشخصيه وبتقولي المفروض يبقي شكلها وطريقتها وحركتها ازاي
اعاملي السابقه فيلم من اجل زيكو ومسلسل الجسر ومسلسل الاختيار٣ ومسلسل الكبير اوي 6 وهيتعرض قريب جدا ليا في السينما فيلم بطولتي مع الاستاذ سامح حسين ونور قدري اخراج هاني حمدي وإنتاج أحمد السبكي وفي حاجه بجهز لها اليومين دول بإذن هي فيلم التاروت بطوله رانيا يوسف وسميه الخشاب و محمد عز وناهد السباعي اخراج إبرام نشأت انتاج روتانا وشركه الكينج
ما هى هوايتك ؟
اكتر هوايه بحبها الرسم بحب الالوان جدا
رياضه السباحه والكورة بس كنت موقف شويه بسبب انشغالي في الميديا لاكن هحاول ارجع قريب بإذن الله اللعب تاني
طموحاتي اكون نجم عالمي
طبعا بحب اختار ملابسي بنفسي بس لما ماما بتحب تساعدني مقدرش ازعلها دى ست الحبايب بردو
طبعا مش هكدب عليكي واقولك بقدر اظبط وقتي ١٠٠٪ مع الدراسه والتمثيل اكيد مأثر شويه في الدراسه بس دة غصب عني لاكن الحمد لله شاطر في كل المواد الدراسيه
رسالة لماما تحب تقول ايه ؟
احب اقول لماما شكراً يا ست الكل يا اغلي أم في الدنيا انا من غيرك مكنتش وصلت لاي نجاح لان بجد انتي الجندي المجهول ورا نجاحي كله ربنا يخليكي ليا
