لمَّا كُنت مَتِتذِكرش… “بالعامية المصرية”
بقلم الكاتبة والشاعرة/ حنان فاروق العجمي
أوراقي المترَتِّبة متبعترتش!
وحروفها صامدة متهزِّتش!
لمَّا كُنت انت حاجة متِتذِكرش
كنا احنا فوق توقعاتك
ولإن النقص من صفاتك
مقَدَّرتِش نعمة إن بينا ربنا زادك
ولو كنت لسه متعرفش
قطر الخير والستر فاتك
الجرس فضل يرن وكِترِت تنبيهاتك
لكن غباءك زاد وتهيؤاتك
إن نصبر ومنشتكيش
إن نسكت وهنعيش
إنت مصدق نفسك وكلامك؟
إن ملناش غيرك يافصلانك!
فاكر هنزل ساجدالك!
فاكر هنحايلك متبعدش!
يا عمايلك ياعينك يا جبايرك!
مبروك هيافتك تصابيك وعضلاتك
فين أيام تهديدك واتصالاتك!
الحق في حاجة طلعت صح ومبتكدبش
وهي إن الناس طلعت بألف وش
وانت أولهم ومتقولش ظالماك
دي أهم صفات وتفاصيل حياتك
ودَّعنا أفلامك وأفشل حواراتك
اتفرج من بعيد ومتندمش
وعلى عشرتنا متتحسرش
ولو ربنا استجاب لأحلامك
وكنا ف يوم نصيبك
لكن بإديك قطعت أرزاقك
معلش الأيام مبتِتعَدْش
اعمل نفسك شمتان ومعايا مَترَكِزْش
فيك كل العِبر ياما غفرنالك
كل الحدود اتعَدِّيت وقلتهالك
لا اتعظت ولاقدَّرت نعمة ربك بعتهالك
وكمان بيعيب متكَسَفش
على شيبتُه وكَبَرُه محافظش
قبلناك على عيبك
ولا جميل شكرت وغرقت ف غلطاتك
وليك ياما أنا آمِنت وعالجت أمراضك
أديك روحت وإحسانَّا إليك متَمَرش
ولآخر وقت قلنا لا يُمكن مَيُغدُرش
بجد عرفناك فهمناك فاحتقرناك
من الجنة طردناك
من الصد
ق من الود حرمناك
حقيقي بصمنا بكفوفنا متستاهلش
