إعترافات أم مكة مليونيرة الفسيخ أمام جهات التحقيق

إعترافات أم مكة مليونيرة الفسيخ أمام جهات التحقيق

متابعة د شيماء عراقي

أم مكه النهارده اعترفت بثروتها اللى كونتها من بيع الفسيخ ومن السوشيال ميديا. وجاوبت على سؤال من أين لك هذا

أم مكه قالت أنا مش عارفة بالظبط دخلي قد أيه.. بس ممكن أنزل في الأسبوع بضاعة بـ ٥٠٠ ألف جنيه، وما أدفعش فلوسها للتاجر وأبيعها خلال الأسبوع في محلين و “أون لاين”.. ويجيبولى حوالى ٧٠ ألف جنيه مكسب..

أرجع لصاحب البضاعة الـ ٥٠٠ ألف جنيه بتاعته وٱخد أنا الـ ٧٠ ألف مكسب بتاعي

لكن في شم النسيم بيوصل الدخل لمليون جنيه

وبكسب من فيسبوك حوالى ١٥٠٠ دولار

قسط عربيتى 70 ألف جنيه فى الشهر.. والخدامات اللى بيشتغلوا عندى بياخدوا 40 ألف جنيه شهريا

مصاريف أولادى 40 ألف جنيه فى السنه دا غير الملابس والمستلزمات الأخرى

اولادى الصغيرين فى الحضانه “كى جى” مصاريفهم 25 ألف جنيه فى السنه والعيلين الكبار مصاريفهم الدراسية 50 ألف

أولاد اخواتى الأربعه برضو فى مدارس لغات إنترناشيونال وانا اللى بدفع المصاريف زى مصاريف أولادى تمام

عندى قسط العربيه بدفعه كل شهر 70 ألف جنيه.. وبدفع مرتبات للعمال 150 ألف جنيه فى الشهر

عندى 3 خدامات لأولادى بياخدوا حوالى 25 ألف جنيه شهريا

عليا قرض بـ 200 ألف جنيه كنت واخداه عشان أوضب الشقه اللى اشتريتها