قلبى الجــــرئ… شاعر المحروسة أشرف البنا
قلبي الجرئ .. قلـبى القــــوى
مرســـوم علــى نهــــج وطــريق
مــن نبــع شـــدة بيــرتـــــــــوى
قـــوة حصـــان .. لكـــن بـــــرئ
سهـــل انــه يعشـــق أو يميـــــل
فســـر تراتيــــل الهــــــــــــوى
داخــــل قــامـــوس المستحيـــل
جمـــع فى حـــب الكون بحــاله واتمـــــلا
طيــــور بتجمع عشها
علـــى ربــــع مسكون ف الخــلا
وحبيبــــــى مافيهوش اختــــــلاف
الأزمـــنة والأمكنــــــــة
الأمانى اللى لابسة توب عصي
بين ايديه
كات شريفة ومؤمنة
نظرة عينيه متقسمة
شفقـــة وترجـــى ومرحمــــة
حبل الرجا
موصول لأعتـــاب السمــــــــا
إلهـــى يابـــنى يجنبــــك .. شـــر الطـــريق
وف كـــل سكـــة تلتقــــى خـــل وصــديق
ولا تترميــــش فى أى ضيـــــــق
الــدعوة كانت سيل يمــــدد في الشقــــوق
شريــــان حيـــــاة وبتنتفــــض مــنه العــــروق
الـــدعوة فى الصبــــح ابتهـــــال
تـــريــاق يـــزيح عـــنى الهمــــوم
يجمعنى ليلى مع الصحاب .. وتاخــدنا سهــرة
أرجـــع الفجـــرية واســــأل
انـــت ايـــه ؟
قلقان عليــا
بابتســـــام يبلع في ريقه .. ويجاوبنى
عينى غفلت وانـــــت بــــــــرة
وعينيه بتبعـــت سيــــل عواطــــف مــزمنـــة
تهـــديـــنى .. وتـــرقيــــنى
بضى اللمبــــة ويشقــــر
يقــوينــى .. جمـــال اللحظـــة والمنظـــر
أبـــات وروحى بالأمان متسكنة
يامــا قال لى بارتياح اطلب ياواد
ناقصـــك ايــــه ؟
طب منين ؟
أطلــــب أنـــــت
والاجابة .. مــالكش فيــــه
أمـــا قــال .. وامـــا قـــــال
اللــى قـــال .. لمــا كان يتعب شوية
عمــره أبدا يوم مــاقال
لسان بيكدب .. وبسذاجة باصــدقـــه
يقـــول صحـــايف .. وف حشــاه كان يحرقه
بــس مــاكدبـــش امــا قال لــــى
بيـــن قلـوب الدنيـــا عـــدى
فـــوت .. وهــــدى
مافتكـــرش تشـــوف مابينهــــــــم
حــــــد حبــــك مـــرة قــــــــــدى
وامـــا يحصـــل .. قـــول يـــــا وعدى
***************
آآآآه يــــــاوعــــدى
واتبدلت كـــــــل الظــــــــروف
قلــــبى الجـــــرئ
اللــــى فى يـــوم مــاعرفـــش خــــوف
أصبـــــح ضعيـــــف
دقـــاتـــه ماسكـــة بــارتجــــــــاف
عكـــــــاز كفيــــــــف
قلــــبى القــــــــــــوى
قلبـــــى الجميـــــــــل
مابقــــاش يميـــــــــل
كـــل الفصــــول علـــى صفحـــــته
صبحــــــت خــــريف
