فاكر إني هافرح
الشاعر محمد عبد ربه
إنت فاكر إني هافرح
من رجوعك
و الّا فاكر
قلبي ح يأيد لك شموعك
انطفت
من يوم ما قررت البعاد
بعد رحله كلها شك
و عناد
إنت فاكر
إني شفت في يوم فرح
و الّا ناسي
قلبي لما قال: أحبك
فـ انجرح
كنت بفرش لك طريق قلبي
ورود
كنت صاينه عمري ما خنت
العهود
كنت بنسي كل دقة نقص فيك
قلت أصبر
و إنت تهجر
كم سنه هانت عليك
جاي تعيد إللي انتهى و تقول سماح
طب وغدرك
ويا صدك
هنا دول هيشيلو من روحي الجراح
ما افتكرش
ما تحاولش
بس خليك زي منت بعيد
وسيب قلبي
لأنه غير متاح
