✍🏻 بقلم : ساره العزيزى
بصراحة اللي حصل زعلني جدًا، وخلاني أسأل: إمتى بقينا بنقفل أماكن بتساعد أرواح ملهاش صوت؟ عيادة بيطرية في مصر الجديدة اتقفلت بعد شكاوى من الفنانة (مشيرة إسماعيل)، والموضوع اتقلب خناقة على السوشيال ميديا بين مؤيد ومعارض.( آية سماحة) كانت من أول الناس اللي دافعت، واتكلمت بحرقة عن الظلم اللي حصل للدكتور (أحمد النبراوي)، البيطري اللي كان بيستقبل حيوانات مصابة ومش لاقية علاج.
وقالت آية في بوست على موقع التواصل الاجتماعي “فيسبوك “: هو إحنا بقينا بنعاقب الناس اللي بترحم؟ العيادة دي كانت منقذة لحيوانات بتموت في الشارع، ومفيش أي سبب حقيقي يخليها تتقفل غير إن الرحمة بقت بتضايق البعض.
(مشيرة إسماعيل )قالت : إن العيادة كانت تحت بيتها، وإن في دوشة وكلاب كبيرة بتدخل وتطلع، وده سبب إزعاج ليها ولسكان العمارة. وقالت كمان إنها مش ضد الحيوانات، بس ضد تحويل عمارة سكنية لحاجة شبه مستشفى للحيوانات، خصوصًا لو فيه أطفال وكبار في السن في المكان.
أما الدكتور أحمد النبراوي، صاحب العيادة، فخرج في لايف وقال: “أنا مش بعمل تجارة، أنا بقدّم خدمة لربنا، وبساعد أرواح تعبانة. كل ورقنا سليم، والعيادة مرخّصة، وكل حالة كانت بتمشي على رجلها بعد ما تدخل هنا.
