هتتندِّم
هبه جمال
هتتندم
وتاكل روحك الحسرة
وتتمنيٰ أعود تاني..
ويكمل بيَّا ليل بكره
هنتقابل،،
وصورتي ساكنه ف عيونك
ودمعك يومها هايخونك
هتصرخ قلبي مشتاقلِك
بكل غروري هتبسُِم
وتطلع ضحكتي تقسِّم
وأقولك إنت مين انت
قابلتك فين؟! منيش فاكرة
وفعلا هبقي مش فاكرة
يادوب هيَّ طشاش ذكري
تزغزغ قلبي ضحكي يزيد
فَ نارك في الضلوع هتقيد
عشان الموقف اتبدِّل
وبعد البُعد بتجيني
ضعيف مهزوم قصاد عيني
وانا البيَّاعَة و القادرة !!
