متابعة / هند البحيرى
بقلم داليا رمضان
دخلت الفنانة هدى الإتربي في نوبة بكاء خلال لقائها مع الإعلامية بسمة وهبة بعدما تذكرت خطيبها الراحل، وقصة حبهما التي لم تكلل بالزواج.
وقالت إن خطيبها كان من أهم المنتجين على الساحة، لكنه لم يتقبل مواصلتها عملها كممثلة، مضيفة: “كان فستان فرحي متعلق، وبيتي مفروش، ودعوات الفرح مبعوتة للناس كلها، لكن حصلت مشكلة كبيرة قبل فرحنا بأسبوع بسبب شغلي وسيبنا بعض”.
بعد الانفصال، دخلت في حالة اكتئاب حادة واضطرت للخضوع لعلاج نفسي وعمليات جراحية.
وأثناء حديثها، لم تستطع الأتربي حبس دموعها عندما كشفت أن خطيبها السابق تزوج لاحقًا لكنه توفي بعد ثلاث سنوات من زواجه.
حبيبي قبل مايموت بيوم اعترف لصاحبه وهما سايقين العربية اكتر ست حبيتها في حياتي كانت هدي ، اكتر ست كنت سعيد معاها كانت هدي ، بس ملعـون ابو العنـد اللي وصلنا لكده ،كانت كل أحلامي لما سيبنا بعض كانه بيقولي حقك عليا ماتزعليش أنا ظلمتك.
عاوزه أقوله اني مسامحاه ، هو عمره ماقالي كده وهو عايش , وأنا مش زعلانه منه
روحنا ندفنه وكانت مراته موجودة
واقفه قدام القبر بتاعه ،، وقولتله وهو في القبر : كنت متخيلة أنك عيشتني أوحش إحساس في حياتي بس مكنتش متخيلة أنك هتعيشني اوحش منه بعد اما تمـوت…
وقتها فهمت ان ربنا مكانش بيعمل فيا حاجة وحشه بالعكس ده كان بيخليني مكونش ارملة … اكتر حد حبيته في حياتي الله يرحمه
