عيدك عيدى….. بقلم أيمان العطيفي
كان ميلادنا
ف التاريخ ده
من سنه….
حد قال عدت سنه؟!!!
كل عام وانت حبيبي
كل عام وانت أنا.
كل عام وانت حبيبي
وانا ليك أغلى الحبايب
كل عام
وانت أجمل شىء فى عمري
ياللى بيك إعشقت عمرى
وانت حاضر
وانت غايب
كل عام وانت هنايا
وفرحتي فى الدنيا ديه
كل عام وانت هديه
من إله العالمين
كل عام
وانت أبويا وابن قلبي
لو تشاور لي ألبي.
لسه مش عارف حبيبي
انا …ايه
وانت مين
انا فنجانك وشايك
وانت سكرنا اللى دايب
عيد سعيد
يا أحلى حاجه ف الحياه
عيد سعيد ياحته مني
ياللى حبك ف القليب
جاب منتهاه
لو هقضـّي العمر ساجدة
مش هوفي
حق شكري للإله.
ايمان العطيفى همسات جنوبيه
مصر
