شجرة الكريسماس .. مقدمة من الشيف/ مروج وائل
المقادير
٤ كوب دقيق
نص كوب حليب
نص كوب ماء
نص كوب زيت
معلقتين سكر
معلقة صغيرة خميرة
معلقة صغيرة بيكنج بودر
بيضة + فانليا
لعمل الصوص
معلقتين كبار سكر
معلقتين كبار لبن بودر
ماء حسب الحاجة
لون طعام اخضر
الطريقة
فى بولة هننزل بالسكر والبيضة والفانليا والزيت ونقلب لغاية الخليط ما يتقل نضيف الحليب والماء ونستمر بالتقليب وبعدين نضيف الدقيق بالتدريج والخميرة والبيكنج بودر ونعجنها كويس ونغطيها ونسيبها تخمر
اول ما تخمر نقطعها كور ونحشبها بالحشو اللى تحبيه وترصي الكور بصنيه مدهونه سمنه ندهن الوجه حليب ونسيبها تخمر ربع ساعه كمان
ندخلها فرن البوتجاز الرف الاوسط واول ما الوجه يتحمر نخرجها مش بتاخد وقت ولما تخرج نسيبها تبرد
واعملى الصوص بتاعك معلقتين سكر على معلقتين لبن بودر ومعلقة مايه هنزود المايه معلقة معلقة لغاية القوام ما يكون تقيل نضيف اللون الاخضر
ونزين وجه الشجرة لما تبرد
