طاجين “الشيخ فتارش” اكلة تونسية من قاع الخابية مع الشاف عمر

طاجين “الشيخ فتارش”

اكلة تونسية من قاع الخابية مع الشاف عمر

المكونات:

250غ لحم مفروم

صدر دجاج

ملسوقة

نصف كعبة بطاطا و ونصف سفنارية

بصلة

5 عضمات نيين ،كان صغار 6

1️نطيبو اللحم المفروم في زبدة وماء و ملح و فلفل أكحل لين يشيح

2️نقليو البصل في الزيت و نزيدو صدر الدجاج و معاه مكعبات البطاطا و السفنارية و نفوحو ملح، فلفل أكحل، كركم و نمرقو لين يطيب و لازم يقعد فيه lbouillon متاعو اللي هو التختوخ مهم جدا

3️نعملو صوابع بالملسوقة و باللحم المفروم (نعملوهم عادي على طولهم منغير ما نطويو الأجناب) و نقليوهم

4️ ناخذو الدجاج نفترشوه 😀.

5️نجيبو الطبق متاعنا اللي باش نطيبو فيه أنا متاعي (un petit plat carré) و نفترشو الصوابع اللي قليناهم و بعد الطبقة اللي فوقهم الدجاج المفترش و نصبو فوقهم التختوخ اللي طيبنافيه الدجاج و بعد نركضو 5 عضمات كبار بالملح و فلفل أكحل و نصبوهم ماللخر و نعملو رشة جبن مرحي للي مغرومين بالجبن كيفي sinon هو منغير جبونات.

و صحة و بالشفاء

⚠️درجة حرارة الفور 170 حطيتو تقريبا 30دق

شاف عمر