زوج يبارك لزوجته ألف مبرووووك لأكبر طالبة على مستوى الجمهورية

زوج يبارك لزوجته ألف مبرووووك لأكبر طالبة على مستوى الجمهورية

زوجتى الحبيبه وأم عيالى الف مليار مبروك نجاحك فى الثانويه العامه القسم الادبى بنسبة 60.1٪ اقولها لكى الف مبروك لأنكى اكبر طالبه على مستوى الجمهوريه سنا

مبروك رغم ان عندك ملحق فى الفرنساوى واللى كنا متأكدين منه وان شاء الله نسبة النجاح تزيد بعد اضافة درجات النجاح فى الفرنساوي

الف مبروك لأنك كسبتى التحدى رغم معوقات كثيره فى ظل تطبيق نظام تعليمى جديد لم تتدربى عليه لم تستلمى تابلت كبقية زميلاتك ولاكتاب مدرسى ولا اخدتى درس خصوصى فى اى ماده مبروك لأنكى ورغم انك مسئوله عن ابنائك الخمسه وكلهم فى مراحل دراسيه مختلفه قدرتى توفقى بين انك تذاكرى لهم وقمتى بواجبك تجاههم وتجاهى وبيتك على اكمل مايكون

والاهم مبروك لأنكى اثبتى انه لايأس مع الحياه ومفيش حاجه اسمها مستحيل ومينفعشى وخلاص كبرنا

وان شاء الله ربنا يحقق لك حلمك وحلمى لكى

هناء بحبك

محمد سليمان عمر