تعالوا اقولكم شوية حلول لمشاكلكم اللى فى المطبخ

تعالوا اقولكم شوية حلول لمشاكلكم اللى فى المطبخ

• س / اللحمة بتقعد كتير اوى فى السلق ؟

علشان بتحطى الملح فى أول السلق اتعودى ضيفى الملح فى آخر أى حاجة بتسلقيها حتى مع الخضار

• س / لما بعمل المكرونة بالبشاميل بعد ما اخرجها من الفرن بلاقيها عجنت ؟

اسلقى المكرونة تلت اربع سوى و اشتغلى بيها هتلاقيها مش معجنة

• س / البيضة كلها بتبوظ و أنا بقشرها ؟

اتعودى و انتى بتسلقى البيض حطى رشة ملح و معلقة خل و البيضة هتتقشر علطول

• س / السلطة بتدبل بسرعة ؟

لما تيجى تعملى السلطة ضيفى الملح فى الآخر لأنه بيساعد الخضار أنه بنزل مايته و يدبل

• س / لما بقلى السمك الشارع كله يبقى عارف انى طابخ سمك ؟

و انتى بتحمرى السمك ضيفى فى الزيت قشرة الليمون و محدش يعرف انك طابخة سمك👍

• س / طبقة البقسماط فى البفتيك و البانيه بتنزل فى القلى ؟

و انتى بتبلى البانيه أو البفتيك متحطيش فى التتبيلة زيت هتلاقيه فصل طبقة البقسماط

 ‏• س / التلاجة ريحتها غريبة ؟

‏حطى فيها قطعة فحم هتلاقى كل الروائح راحت و حطى كل حاجة فى كيس أو لفيها ب استرتش