إليهِ

إليهِ………

وعد مني

هو أنا موعودة باللى

يقولى إمشي ؟

روحت له وقلبي بيرقص

بين إيديا ع الورق

قلت له:-

شوف القصيدة

فيك ياأجمل من خلق

بص لحظة ع القصيدة

لأ

وعهد الله مابص!

هو لو كان بص بصه

كان سمع لقلبه حس

قالى :-

روحي مالك انت بالعروض

هى ناقصه !

ماللى زيك بوظوها

خلتوها هجيص ورقصه

طاب ياشاعر….

هدى طبعك!!!

هو ذنبي إن أنا

علمي قليل ؟

والله عهد ودين عليا..

يوم لعدي المستحيل

وأبقى حاجه حلوة خالص

يبقى شعري

أمال ورؤية

يدرسوها فى المدارس

أنت فاكر

إني جاهله؟

عمري يوم

ماكنت ساهله

طول ماقلبي

لسه نابض

راح اعدي

وراح تجيني

لحد عندي

ورغم عندي

عمري يوم ما هقولك

أمشي

أصلك أنت ما فاهمشي

إيمان العطيفي