ابني مش بينام غير وانا شايلاه ،، اول ما احطه علي السرير يصحي و يصرخ ولازم اشيله تاني

ابني مش بينام غير وانا شايلاه ،، اول ما احطه علي السرير يصحي و يصرخ ولازم اشيله تاني

متابعه.. شيماء العراقي

أنا تعبت اعمل ايه نصائح تهمك

– ايه السبب في كده؟؟

. السبب هو إفراز هرمون الخوف الادرينالين و الكورتيزول ، ابنك بيعرفك من ريحتك و من ملمسك ودا بالنسباله الأمان

. للأسف مش بمنتهي السهولة هتقدري تغيري دا ولا تعتقدي انك لما تضلمي الاوضة و تهدي الجو و تسيبيه بالراحة جدا و تمشي علي طرف صوابعك انه مش هيقوم علي صرخة واحدة لإن الموضوع فسيولوجي و اول مهتسيبه والادرينالين هيطلع و هيسببله نوبة خوف

. معظم الاطفال الموضوع بيهدا معاهم بالتدريج من الشهر الرابع لما بيبتدوا يوعوا علي الدنيا حواليهم

– طب فيه حاجة ممكن أعملها ؟؟

. تقدري تساعدي الطفل بالتدريج من غير متحاولي تضحكي عليه ودا عن طريق

حاولي تغطيه بأي حاجة من لبسك فيها ريحتك زي شال مثلا

بعد منيمتيه علي ايدك ، صحيه ، طبعا عارفين انك تعبتي جدا عشان توصلي للحظة دي بس بإنك تصحيه قبل متسيبيه انتي كدة بتوعيه انك هتسيبيه يكون لوحده وبالتالي حالة الخوف بالتدريج هتقل ، طبعا ممكن اول ٢٠ او ٥٠ مرة تعملي كدة و يفشل بس هيكفيكي شرف المحاولة و بعد شهر ممكن تنجحي جدا انك تقللي خوفه وهو لوحده

لما يعيط بعد متسيبيه متشيليهوش علي طول سيبيه يتكيف و افضلي طبطبي عليه كتير و سمعيه صوتك لو هدي سيبيه ينام ولو مهديش شيليه و عيدي الموضوع من تاني

ايوة كتير مش هتنجحي بس الامومة فيها حاجات تتكيفي عليها و ترضي بوجودها قبل متعودي ابنك حتي عليها ودا هيخليكي تتقبلي النتايج من غير توتر

دا طبيعي

معا لصحة أفضل لأطفالنا