تصريحات زوجة مصطفى زيكو عبر فيسبوك:
متابعة غاده المصري
دي أنا وحماتي يا جماعة أنا بعملها عيد ميلادها وهي بتعملي عيد ميلادي ولما بكون مسافرة بسيب ابني معاها وشالتني كتير في ابني وفي حملي، دي حاجه عمري ما انكرها، دا احنا والله لو مفيش بينا مشاكل باللي بتعملوه ده بتخلوا في مشاكل، هي رقم واحد والله وهتفضل رقم واحد ومنكم لله والله بوظتوا المفاجأة الي كنا عاملينها لها وأننا نفاجئها وننزلها باحتفالية في شبين بس ملحوقة وهي تستاهل انها تنبسط بابنها وهنبسطها هي طيبة والكلام بيطلع منها تلقائي بس ازاي بقى الإعلام يعديها وهي دلوقتي مش مستوعبة أصلا الحتة اللي الإعلام وصلنا ليها ياريت اي حد ميعرفش اي حاجة عن علاقتنا ببعض وإزاي بنتعامل مع بعض ميتكلمش، عندك كلمه حلوة قولها معندكش خليها لنفسك، وانا بشكرك يا خالتو انك جبتيلي راجل الدنيا كلها بتفتخر بيه
