فن
مي عبد النبي، الفنانة اللي كانت أيقونة الأناقة والبساطة في التمانينات
مي عبد النبي، الفنانة اللي كانت أيقونة الأناقة والبساطة في التمانينات
مي عبد النبي، الفنانة اللي كانت أيقونة الأناقة والبساطة في التمانينات،
متابعة غاده المصري
قصة شعرها القصيرة كانت تريند وقتها؟
مي كانت من الوجوه اللي صعب تنساها، لكن فجأة اختفت من الساحة، وسابت وراها علامة استفهام كبيرة: راحت فين؟ وليه بعد كل الشهرة دي قررت تبعد؟
مي عبدالنبي، كانت واحدة من أهم الوجوه الشابة وأكثرها شهرة وانتشار في التمانينات والتسعينات، واشتهرت بقصة شعرها اللي كانت مميزاها عن أى فنانة تانية في الوقت ده
مي وهي عمرها 17 سنة كانت بتلعب كرة يد في النادي الأهلي، وفي يوم بعد التدريب شافها مصطفي يونس اللي كان كابتن الأهلي الفترة دي وقدرت تخــطف قلبه بسبب جمالها ورقتها
مصطفي يونس اتعرف عليها ونشأت بينهم صداقة، وبعدها عرف عنها كل حاجة وقال لنفسه أنا هدخل من الباب.. وفعلا قابل والدها اللي كان بيجيلها كل يوم جمعة يتابعها وطلب إديها منه.
حسين عبدالنبي رحب بيه وقاله بس مي لسه صغيرة ويادوب عندها 17 سنة ووراها جامعة والخطوبة هتشغلها عن دراستها وكمان تركيزها مع فريق كرة اليد
ومع إلحاح مصطفي عرض والدها الموضوع عليها ووافقت لإن مصطفي كان من أشهر اللعيبه في مصر وبيلعب للمنتخب وفعلا اتخطبوا سنة 1972.
ولما مي اتخرجت من المعهد العالى للفنون المسرحية، بدأت التمثيل من خلال مسلسل أيها الحب لا تهجرني مع الفنان حسن عابدين، ويوسف شعبان، وبعدها شاركت في مسلسل لا يا ابنتي العزيزة مع عبد المنعم مدبولي وقدمت دور زينب، اللي قدمها لكل الجماهير.
وبعدها قدمت أغنية الأطفال عد صوابعك كام واللي اشتهرت جداً وبقت من أهم أغاني الأطفال في الوقت ده.. وبعدها قدمت برضو أغنية احنا عرايس، وبرنامج كان جدو نونو
الخلافات بدأت بين مصطفي يونس ومي عبدالنبي بعد ما أنجبت بنتها الأولى ميار بعد 5 سنين من جوازهم، لإنه حس إنها مش بترعاها الرعاية الكافية ومشغولة طول الوقت في التصوير، وطلب منها تتفرغ لرعايتها.
وبعدها أنجبت مى ابنها التاني وهو مصطفى، وطلب منها مصطفى يونس تبعد عن التمثيل وتتفرغ لرعاية أولادها، واضطرت توافق وكمان ارتدت الحجاب
وبعد 10 سنين من الاختفاء حست مي إن سنين عمرها بتضيع منها، وطلبت منه ترجع للتمثيل من جديد بس هو رفض والأمور بينهم وصلت لطريق مسدود فانفصلوا عن بعض بعد 10 سنين زواج.
ورجعت مي من جديد للتمثيل من بوابة الأعمال الدينية والتاريخية سنة 1988 وشاركت في مسلسل عدالة الرشيد، وبعدها مسلسل الوعد الحق، والقضاء في الإسلام.
واختفت مي من جديد واتفاجئنا بصورها على السوشيال ميديا سنة 2011 وهي بتحتفل بزفاف ابنتها ميار، وحضر حفل الزفاف طبعا والدها مصطفي يونس اللي أكد في أكتر من برنامج ليه إنه اتجوز بعدها أكتر من مرة علشان بس يغيظها.
مي حسين عبد النبي من مواليد 30 يناير 1955 بالقاهرة، ووالدها المؤلف والممثل المعروف حسين عبدالنبي، واتخرجت من المعهد العالى للفنون المسرح
ية ، وبدأت التمثيل سنة 1978
