الباتيه بدون توريق بطريقة سهلة للمدارس
مقدم من الشيف/ مروج وائل
المقادير
نص كيلو دقيق
كيس خميرة فورية
معلقة كبيرة سكر
كوب زبدة
رشة ملح
بيضة
نص كوب ماء
الطريقة
فى بولة العجان
نقلب كل المكونات الجافة تقليبة سريعة ننزل عليها بكوب زبدة
نشغل العجان و نبس المكونات كويس
ننزل بعد كدة عليها ببيضة
1/2 كوباية مية
و نعجن كويس جدا
نسيب العجينة تخمر حوالى ساعة
نفرد العجينة على شكل مستطيل رفيع خاااالص
الحشوة عبارة عن لنشون وجبنة رومى او جبنة بيضة اى حشو تفضليه
نرص شرايح اللانشون جنب بعض بحيث نغطى العجينة
فوقها طبقة من شرايح الجبنة الرومى
كدة معانا طبقات لذيذة و ألوان مختلفة
نبدأ نطبق العجينة بالحشوة اللذيذة
نطبق و نلف لحد ما تتلف معانا زى السينابون كدة
نقطع بسكينة حادة قطع الباتيه
ننقلها ف صوانى فرن الومنيوم مدهونة بالزيت خفيف
نسيبها تختمر كمان نصف ساعة
ندهن الوش ببيضة عليها رشة نسكافيه او لبن
نرش عليها سمسم و حبة البركة
نخبز فرن ساخن مسبقا حرارة 200
مدة 15 ل 20دقيقة
نغطيها بفوطة مطبخ أول ما تخرج 10 دقايق
بألف هنا
نحتفظ بباقى الكمية فى الفريزر
تحفة للمدارس
