الذكرى الحادية عشر لوفاة بوب مارلي الغلابة يوسف عيد

 الذكرى الحادية عشر لوفاة بوب مارلي الغلابة يوسف عيد

متابعة غاده المصري

 ولد في ١٤ نوفمبر سنه ١٩٤٨

حصل علي الثانويه الازهريه واشتهر باداء الادوار الكوميديه الصغيره .

بدأ حياته الفنية من أواخر الستينيات بمسرحيات علي مسرح الهواة ومسارح الدولة المختلفة وبأدوار صغيرة جداً في السينما قدر يكسب حب الناس وضحكاتهم في فيلم زي الناظر مثلاً له مشهد مكنش بيتكلم خالص وقال كلمة واحدة بس لما علاء ولي الدين لما بيسأله قاعد بره ليه فرد عليه قاله “بتشمس” وفيلم اضحك الصوره تطلع حلوه مع احمد ذكي و التجربه الدانمركيه مع عادل امام و فيلم اللمبي ٨ جيجا مع محمد سعد و عصابه حماده و توتو مع عادل امام و لبلبه و فيلم العسكري شبراوي مع يونس شلبي و فيلم خمسه باب و فيلم الكيف مع محمود عبد العزيز و فيلم لن اغفر ابدا و فيلم النمر والأنثى مع عادل امام و اثار الحكيم و فيلم ضد الحكومه مع احمد ذكي و رساله الي الوالي مع عادل امام و الواد محروس بتاع الوزير والافوكاتو ايضا مع عادل امام وجعلتني مجرما واسعاف 55 مع احمد حلمي وغيرها افلام كثيره بادوار صغيره.

المسلسلات …..مثل تامر وشوقيه ولحظات حرجه و بشاير و رافت الهجان و الكبير اوي و بسنت ودياسطي وغيرها.

ومسرحيه شارع محمد علي مع فريد شوقي و شيريهان .

 اخر فيلم عمله عمر وسلوي .

 من الفكاهات في حياه الفنان يوسف عيد ……بيحكي أن بعد وشه أتعرف كان مرة راكب تاكسي من البلاتوه ومروح علي بيته في شارع الجيش فسواق التاكسي مكنش مصدق أنه ساكن في منطقة بسيطة زي ديه وكان فاكره ساكن في التجمع ولا الشيخ زايد وقاله يا فنان انا هستناك لغاية متخلص زيارتك واوصلك البيت قاله يا أبني ما انا ساكن هنا ولو مش مصدقني تعالي اطلع شوف بيتي .. السواق كان زيه زي كل الناس فاكر أن اللي بيطلع على الشاشة عايش في قصور ميعرفش أن فنان كتير زي الأستاذ يوسف عيد اسمهم ملح الفن بيعيشوا يمتعونا ويموتوا دون أن نشعر بهم.

توفي في ٢٢ سبتمبر سنة ٢٠١٤ بازمه قلبيه بعد أن فقد بصره في أواخر أيامه.. عن عمر ٦٦ عاما .