لو كنت باقي … الشاعر جمال حسين
لو كنت عليه أنا باقي
يمكن كان يومها عاتبته
أنا لما ساعتها غضبت
ب أدلة غدره فاجأته
حاول ينكر فضحكت
عرفته حقيقته و سيبته
و إن جه ندمان مش ح فرح
ولا ح امدح فيه ولا اهاجمه
أنا ح أسأل نفسى سؤال
إزاي كان هو بيجرح
و أنا عمرى م لحظه كرهته ؟
بس ف كل الأحوال
اديتله أكبر من حجمه
و لأصله يا ناس رجعته
أيه يعنى مكنش حبيبي
أيه يعنى رهان و خسرته
و إن كان مطلعش نصيبي
فى الأخر قلبي كسبته
كداب وف حبه هوائي
صدق ان انا صدقته
بكره الايام هتخاصمه
و الدنيا هتكسر هيبته
و الناس يشوفوه يبتسموا
على قلة حيلته و خيبته
و ماكنتش أبدا خصمه
ولا بزعل لو جت سيرته
و الله أنا نسيت اسمه
من يوم ما بعدت و سيبته
