و مين إنت … الشاعرة رباب الجورية
و مين إنت
و عرّفني بنفسك يلا
فهمني إنت تطلع مين
ماظنش العيون دية
لبني أدمين
ملايكة ما بين كفوف إيدك
و بتطبطب على قلبي
تجمّع كل دمعة فى عيني
محبوسة
تحررها
و من ثم
تقيدها بعيد عني
و عن روحي
ياروح و محاوطة أحزاني
تلملم جرحي
و تداري الدموع فى عينيك
و تغزل من ضلوع ودك
مخدة عليها
أحط دماغي
و أغمض
عن الخاينين
و افتّح عيني فلاقيني
في ننى عينيك
بتحضن تاني فى جراحي
و بتهدهد
و بتطبطب
و بتغرّق
حياتي حنين
أخويا لا ابني
والا أنت
أبويا و جايلي بعد سنين
