طاقة حب … الشاعرة هانية جمال
يا طاقة حب خطفاني
من الناس اللي حواليا
يا روح دايما محوطاني
بنظرة شوق و حنية
بخاف يفضحني حرماني
و تلمح دمعة في عينيا
في قربك بر شطآني
و حضنك بيت مهوش ليا
مشاعرى تفيض و أنا مكاني
و أشوفني جبانة مؤذية
و لو كان شئ في إمكاني
أموت ولا أعيش بسوء بنية
و أقول أهرب لكن تاني
بشوفك أحلي شئ فيا
صراع و بسببه أنا بعاني
و ماشية بهالة مطفية
أنا السجان و أنا الجاني
و حكمى لنفسي و عليا
أعيش بشعور غزير فاني
و أقوله في صيغة شعرية
