رهان … الشاعر محمد المساعيدي
ياسايباني …..
و سايبه عمري متراهن
على بكره إللي مش واضح
ماعادشي الفعل متزيف
و لا كانشي في يوم فاضح
ماكانشي هواكي دا جرمي
و لا كانشي خطأ فادح
دا أنا المادح كتبت إسمك
و قلت إنك مقام و ضريح
عشان لساكي بتعافري
و لا يمكن تهزك ريح
و قلت إسمك في ترنيمة
و اهديتك دعا و تسابيح
و أنا الموجوع
أنا الحدوتة و الموضوع
أنا المفرد في إحساسي
و أنا إحساسي في المجموع
بالملم صورتي في عيونك
ف أتبعتر مدن و نجوع
