النص ده عنها ….الشاعر عمرو الأنصاري
كانت تجيلي في المنام
و الصبح لما تبص بصة
تجري عساكر قلبي تترصا
و كإنها واقفة انتباه ساعة تمام
و أنا مش بنام لو قلبي دق بشعر
بفضل احارب بالقلم حتى نفاذ الحبر
و دي الوحيدة اللي معاها
الشعر يشعر بالنهم
كل أما اكتب فيها بيت
تجري تجدد في القلم
و الودن سمّاعة
و الصدفة جمّاعة
لو شفتوا ياجماعة
لحظة سقوط أول شعاع للشمس
كان في إتجاه النني هز النفس
عكس اتجاهه و أتجه عندي
رجعها طفلة بعد سن اليأس
