وصفه هتخلى ريحة جسمك دايما جميلة
متابعه غاده المصري
المكونات المطلوبة
اولا …هتجيبى زيت بيبى جونسون العبوة الصغيرة
وتروحى عند اى حد بيركب عطور وتشترى زيت عطر خام
ثانيا … اى نوع برفان انتى بتفضليه ويكون زيت مش برفان بكحول وهو رخيص ومش غالى
من افضل العطور العطور الخليجيه لان ريحتها بتبقى قوية جدا
٥ جرام او ١٠ جرام زيت برفان بتفضليه
الطريقه:-
هتجيبى اى حاجه و نقصى فيها شوية من ازازه البيبى اويل تنقصى ربع الازازه تقريبا
وتقومى حاطه فوق الباقى (اللى فى الزجاجه الأصليه) الزيت العطرى (او العطر)اللى انتى تفضليه
وتقفلى الازازة وترجيها كويس جداااااا
او ممكن تجيبي مسك الرمان ودا بقي ريحته جميله جدا
الاستخدام
تاخدى الازازة بتاعه الزيت المخلوط بالعطر و انتى فى الحمام بعد ما تخلصى الشاور بتاعك متنشفيش جسمك اقفى لغايه لما يتصفى خالص ويبقى رطب
وتجيبى الزيت وتحطى شويه فى ايديك وتدهنى بية جسمك كله واماكن الاندر ارم عادى وكل مكان بالزيت وتلبسى هدومك بعدها
وممكن كمان تحطى منه على شعرك هو مفهوش كحول ف مش غلط ع الشعر
هيخلى ريحه شعرك حلوة اوى ومش مكمكمه وتنامى وتقومى ريحته هتبقى موجوده
