حالة حلوة … إسلام العيسوي
إعتبرها حالة حلوة عيشتها
و الا بنت في حلم إتخيلتها
و الا بطلة جوة فيلم
في سهرة حلوة سهرتها
إعتبرها قصيدة غنوة
أو رواية كتبتها
شوفها زي ما شاف خيالك
لو شيطانة شاغلة بالك
إدعي تخلص منها
خلي عقلك ينسى يوم ما عرفتها
إمحي ذكرى حلوة بينكم
لما روحت قابلتها
إمسح الصورة في خيالك
إللي بيها ملكتها
قول لقلبك إوعى تنده إسمها
وقف النبض إللي واصل
من وتينك عندها
كمل الباقي في حياتك
إنهي بإيديك ذكرياتك
سيبها منها لربها
الوحيد بس إللي قادر
يجبر إللي في قلبها
