البيت العامر … الشاعرة وداد الهواري
البيت العامر
يا اخوانا
مالهوش ابواب
والعابر كان ..ايام كنا
بيبوس لاعتاب
دلوقت آهو بيتنا ، وبيت ابونا
دهسوه لاغراب
خدوا مننا …..حياتنا
وسلبونا دم الأحباب
وبتصرخ حوالينا الدنيا
إزاي نتهاون لو … ثانية
ونسالم في اللي
بيأذونا
إزاي بنسلم أرواحنا؟
وعيالنا تموت وإحنا
كما احنا !
ورخيص يا تراب
يا تراب عاش فوقك
أنبياء ،
ودعاء الإرث لزكريا
يتفرط فيك بالكلية
ونقول : أسباب
نتقابل وف يوم المشهد
البيت العامر
راح يشهد
وح يقطر. ….. دم
اللي استشهد
على كل منافق كداب .
