الاوزى بصدور الدجاج
مقدمة من الشيف … مروج وائل
المقادير
نص صدور دجاج
معلقة زبدة
ملح / فلفل اسمر
كزبرة ناشفة
مرقة دجاج فورية
٤ معالق بقسماط
للحشو
كوب رز بسمتى او عادى
معلقتين سمنه
معلقة سكر
بصلة مبشورة
ملح / مرقة فورية
كوب ونص ماء
ممكن استبدال الارز بفريك
الطريقة
فى الكبة ننزل بصدور الدجاج ومعلقة الزبدة ونفرهم كويس
فى بولة نضيف الصدور بعد الفرم والبهارات والبقسماط ونقلبهم كويس وممكن نرجع نضربهم بالكبة تانى
لو مفيش عندك كبة هتجمدى الصدور فى الفريزر وتبشريها بالمبشرة
ندخل الصدور الثلاجة ربع ساعه
ننقع الارز فى ماء لمدة ربع ساعة و فى حلة على النار نضيف معلقة سكر تتكرمل بلون دهبى فاتح نضيف معلقة سمنة ونضيف البصل المبشور ونقلب اول ما البصل ياخد لون نضيف الارز والبهارات والماء مغلى
نقلب ونغطى عليه اول ما يغلى نوطى النار لغاية ما يستوى
نطفى عليه ونجيب صدور الدجاج نقسمها كور ناخد كل كورة بين كيسين ثلاجة مدهونين زيت ونفرد كورة الدجاج
نجيب بولة وندهنها زيت ونحط فيها الدجاج اللى فردناه ونحشيها ارز ونقفل عليها كويس نقلبها من البولة ونرصها بصينية مدهونه زيت
يدهن الوجه زبدة او سمنة وممكن صلصة علشان تديكى لون جميل ندخلها الفرن
وصحتين وهنا
