يعنى ايه اوجاع نفسيه ؟؟!
” الاوجاع النفسيه ” بتكون مجموعه من الضغوط النفسيه بتظهر ع هيئه اللام فى الجسم ..
أنا بوصفها بالاضطراب النفسي الخبيث … ولو كان السرطان هو مرض جسدي خبيث .. فأن الألام النفسيه هي مرض نفسى خبيث …
أوجاع بتظهر ع هيئه أوجاع جسديه ولكن لا تظهر فى الفحوصات الطبيه تشخيص يوضح بأن فى مشكله جسديه
بالعكس الفحوصات بتظهر مدي صحه الشخص الجسديه بالرغم من شده اعراضها
الأوجاع دى بتظهر بكذا شكل زي اللام فى الظهر .. مشاكل فى الجهاز الهضمي .. اللام فى الرأس صداع ودوخه وفقدان فى الوعي ويسمي بالأغماء النفسى .. اللام فى العظام والمفاصل .. بتوصل لأضطرابات فى القلب وممكن تتسبب فى اللام فى القفص الصدري وتتسبب فى ضيق فى التنفس .. ارتفاع الضغط او انخفاضه فجأه .. رعشه مؤقته فى الجسم .. عدم وضوح فى الرؤيه .. اللام فى الأذن .. وغيرها ….
…………
الكتاب يحتوي على 3 أبواب تم تقسيم الأبواب من خلال تشابه الموضوعات لكل باب …
هنتكلم في الكتاب …
**عن كل الأوجاع المستخبيه اللى انت مش فاهمها ولا بتتكلم عنها حتي مع نفسك .
**عن تفاصيل فى الحياه بتحصل وبتعدي وبتسيب أثر نفسى بيتراكم مع مرور الوقت وبتتسبب فى اللام نفسيه وجسديه .
**عن انك ممكن تيجي على نفسه بسبب انك مخصص فلان أقرب حد ليك .. هل فعلا ممكن نسمي شخص انه اقرب حد لينا ؟؟ هنشوف …
**عن العشم اللى بيخليك تقول لااا ده بذات مستحيل يعمل كده بس ف الأخر بتكتشف ان اى حد ممكن بسهوله جدا يوجعك بدون تفكير .
**عن الناس اللي بتدي نفسها الحق تدخل فى حياتك …
** عن بعض العادات والتقاليد .. والموروثات .. والاحباطات اللي بتقابلها في حياتك بمجرد انك بتفكر بطريقه مختلفه عن اللي حواليك .
ومع كل صفحه هتعديها هتلاقي فيها طريقه تقولك أزاى تحط نفسك فى منطقه الأمان عشان تحمي نفسك من اى ضغوط لأن نفسك هي أهم شئ بتملكه ..
**الأوجاع الجسديه بسبب الضغوط النفسيه واسبابها وازاى تساعد نفسك فى التخلص منها .
** ازاي تتحكم فى افكارك بما انها سبب رئيسي فى الضغوط النفسيه .
** العلاقات وازاي تتمسك بيها من غير ماتيجي على نفسك .
** هتلاقي ناس فى حياتك عندها هوايه انها توجعك بكلامها
وهتلاقي ناس بتمنع مساعدتها عنك بمزاجها وفاكره ان مساعدتها دي فضل منها مش من ربنا ..
هتعرف أزاى تتعامل معاهم !!
** هتعرف أزاى متسمحش لحد يشككك في نفسك وانك تستمر في كل خطوه من غير ماحد يحبطك ويكون سبب في انك متكملش .
وغيرها كتييييير من المواضيع …………..
___________________
**كتاب أوجاع نفسيه هيخليك تعيش حياتك صح وتبدأها من جديد ….
نبذه عن مؤلف كتاب أوجاع نفسيه
نورهان عبد الرازق أخصائيه صحه نفسيه
مدربه معتمد من جامعه عين شمس
