مش لعبة… الشاعرة هبة جمال
من تحت الانقاض بكتبلك
ولعلَّها اخر رسالاتي
الوضع ده مابقاش يرضيني
ولا ينفع اكمِّل بُه حياتي
وان كنت رضيتلي الموت عمداََ
فإليك الإخطار الاتي…
كل اللي مابينّا وعود زايفة
وانا عيشت سنيني معاك خايفة
علشان مش قادرة علي وداعَك
دالوقتي خلاص جاتني القوَّة
اعلن عصيان قلبي واقولَّك
انا برفُض اكون من اتباعَك
مش لعبة ف ايدك ترميها
واما بتحتاجلها تراضيها
واما بتشبع بتسيب تاني
وتشوف شئ غيرها لإمتاعَك
وان كنت خلاص فعلاََ بايع
فانا كل ما فيَّا كمان باعَك
وان كنت إدّيتني الصاع اوجاع
فاانا عمري ماارد الصاع اتنين
ولا حتي اتشفَّي ف اوجاعك
انا ماشية بكل هدوء وخلاص
وماسيبتش غير وردي ف صاعَك !!!!
