رباعيات العطيفي. ايمان العطيفى همسات جنوبيه

رباعيات العطيفي. ايمان العطيفى همسات جنوبيه

يا بيت أبويا القديم، دقيت على بابك
لا لقيت لقلبي كليم، وحِب فى رحابك
من يوم ما ابويا رحل ، معدودة م الغُربا
يا مجمع القُربا ، فين قعدة اعتابك

لما وصلت البيت ،ديرت أنا وشي
على وجعة الفرقة،قلبي ميقدرشي
نادت عليّ الحيطان، ووجعنى دمع الباب
يامجمع الأحباب ،نادينى قول خوشي

وحشتنى قعدة ابويا، ع الكرسي قدامه
والكل طالب رضاه، والكل خدامه
ياما كان لابويا القول ،والحكم والشوره
العيشه مستوره، سيده وعلامه

دارنا القديم اتهدم،،وخد الأمان معاه
خيره الكتير اتعدم،،واتفرقوا جواه
عزلوا وركنوا الحب ،، ودارت القسمة
ريحالة مبتسمة،، وجوايا مليون ااااااااااااه

ايمان العطيفى همسات جنوبيه