متابعة: هند البحيرى
“العلاقات السويّة” يا عزيزي فيها مشاكل و خناقات عادي، وفيها اختلافات في الطّباع و وجهات النظر، وفيها شخصين عندهم عيوب شايفينها في بعض ، وفيها شد وجذب ولوم وعتاب.
ف اللي فهمك ان العلاقات السويّة مبيبقاش فيها مشاكل للأسف ضحك عليك.. لكن اللي بيميز العلاقة السويّة عن غيرها ان مفيش فيها “ايذاء” وإهانه ولا معايرة وقلة قيمة ، اللي هو نختلف ونشد لكن في الآخر ملناش غير بعض وأوبشن “التجريح” دا مش موجود أساسًا في قاموسنا.
على عكس الشائع، بشوف إن الشخص اللي بيحبك -بصدق- هو الشخص الوحيد اللي هيهتم يغيّرك للأحسن..
عندي مشكلة مع الشعارات اللي بتفترض إن اللي بيحبك لازم يقبلك بكل ما فيك! يقدملك ولاء القَبول لـ أخطائك وإنحرفاتك ومينفعش تصدر منه أي نبرة أو نصيحة لتغيير شيء مُعين فيك.
مظنش إن فيه حد عنده شعور صادق تجاهك ممكن يسقّفلك وهو شايفك مُستهلَك في طريق خاطئ أو بتبذل مجهود في أشياء ثانوية وسايب الأولويات حتى لو كنت مبسوط.
العلاقة اللي مفيهاش نُصح، لفت نظر، توجيه، تصحيح مسار، هي أكتر علاقة باهتة ممكن تتواجد في حياة أي إنسان..
فـا بعيدًا عن كل الشعارات المثالية ومع تغليب كفة المنطق لجزء من الثانية هتلاقي إن اللي بيحبك بصدق هو الشخص اللي بيتمنى يشوفك في أفضل نسخةوبالتالي بيحاول دائمًا يفوقك ويدلك على الطريق الصح…
#الدحيح
