مترجعشي
بقلم ايمان العطيفى همسات جنوبيه
صباح الخير
ياساكن كل تفاصيلى
صباح الخير
على عيونك
على قلبك
يا مشتاقلي
لو ابقى بعيد
ومشتاقلى
وانا جنبك
بتبعد ليه؟
عشان أنا قلتلك فارق؟
معيزاشي أكون وياك
ولا لادد عليا هواك
ولا حابه جنون حبك
يحاوطني فى كل مكان
ولا حباك تعيش حارس
بيحمينى
أبكي عنيه…يضحكني
وأهرب منه..ويجيني
عشان قلت لك …
انت ملكش أى مكان
ف أى مكان….
وايه يعني؟
مايا قلت لك زيه كلام خايب
كلام كدااااب
وأرمى الدبش طول اليوم
كلام ماسخ وتتبسم
وييجي الليل تصالحني
عموما
روح لحالك وانسى ايامي
وحب جديد
انا مش فارقة ويايا!!!
هيدبل وردى ف جنينتي
وايه يعنى
ولا فارق
هتمشي الشمش متجيشي
ويفضل ليلي ويطول
وايه يعني
مسير القلب يتحول.
هيملى الحزن أيامي
وابيع للهجر افراحي؟
انا مش جايه اتدلل
ولا اتذلل
ولا عمرى هقول ارجع.
لكنى لسه محبوسه اف تفاصيلك
قفلت عليا جوا عنيك
وقلبك…خد مكان قلبي
ولما مشيت ياروح قلبي
نسيت تسيب لى مفتاحى.
ايمان العطيفى همسات جنوبيه
