شوف هقولك “بالعامية المصرية”
بقلم الأديبة والشاعرة والكاتبة الصحفية
حنان فاروق العجمي
شوف هقولك حاجة
عمري ما كنت ليك محتاجة
ما انا يائسة منك من زمان
من عيوبك من صفاتك من البلادة
ولا عمري كنت بغير عليك
وأغير ليه وأنا عارفة قيمتي
أنا مش بتكرر ولا ليَّ أي إعادة
اختراعاتك وقلة ثقتي ف نفسي
دي حيلتك عشان انت ضعيف مغلوب
اسمع مني وده ليك إفادة
عشان لما تحب تعيد التجربة
تستفيد من دروسك السابقة
لا تتعذب ولا تعذٍّب غيرك
ولا توهم نفسك إنك محصلتش
ولا إن عيشتك كانت سعادة
شوف يا ابن الناس
راسي عالية عليك
ورقبتي ما بتنداس
وأما تحب تعمل لنفسك قيمة
متقارنش بيني وبين حشرات وديدان
وتتخيل إن سكوتي ضعف وخوف
حقيقي مردتش عليكوا
اسمك محسوب عليٍَ وكسوف
عشان لو اتكلمت
الناس هتشاور عليكوا تتفرج وتشوف
أحقر الحُقرا وأراجوزات حواليك بتطوف
قبلتهم شيطان مهزوز مهزوم
بغبغان بيعيد ويزيد بيألف ف كلام
كان ظاهر عشان كان جنب أسيادُه
ودلوقت وقع م الصورة وراحت أمجادُه
عارف لو كان لي نِد
كنت ها ارُد بجد
لكن يعز عليَّ نفسي مبتنزلش لأي حد
لا بتتذَل ولا غيري بتتهَد
روحت وريَّحت وحقي يوم القيامة
هاخدُه وهيتعَد عَد
من لحمك من دمك من اللي يتشدِّدلك
من اللي اغتابني من اللي أذاني
من اللي بخ سمُّه ف طريقي وسد
