عشر حاجات بتعمليها من غير قصد تؤدي لاخطاء كبيره

عشر حاجات بتعمليها من غير قصد تؤدي لاخطاء كبيره

متابعه غاده المصري

_المكنسه بتاعتك العاديه مش بتغسليها وتجفيفها علي الاقل مره كل اسبوع بيتعمل ريحه وحشه وتخلي الشقه ريحتها وحشه ولازم مكنسه للمطبخ ومكنسه للرسبشن

_المكنسه الكهربه لازم الكيس يتنضف بعد كل مره ويتعطر والا الكفاءه حتقل وحتطلع ريحه وحشه

_الغساله ارحميها كفايه مره كل يومين منها توفري المسحوق ومنها ترحمي الغساله وده كلام اتقلي من مهندس زانوسي

طب حتقولي لي اللبس الخارجي قطعه قطعه وبصابوبه بريحه علي الحوض حتتخلصي من العرق والاوساخ طب لو فيه بقع انقعي في كلوروكس ساعة واشطفي.

_التلاجه افصليها كل شهر ساعتين متصلتين ونضفيها كل اسبوع للحفاظ علي قوة التبريد.

_الديب فريزر رتبي كل درج واكتبي اسم اللي فيه وتاريخ الشراء و الا تعرضي عيلتك للامراض اسمعي كلامي اختشي منك ليها

_الشوربه وانت بتعمليها ازيلي الريم اول باول لضمان جمال وريحه الشوربه واضيفي قطعه دهن مع اللحم.🐏🐑

والا بقت ميه ولما تجمديها ازيلي الدهن.

-البطاطس متحطش مع البصل والا تعفن افصلى بينهم🙊🙊🙊🙊

_الرز لازم يشرب الشوربه خالص وتحطي تحته شياطه وتوطي عليه وبعدين حته زبده علي وشه مع غرس الحبهان فيه ثم تزال

-فرش السرير يتشال كل يومين ويغسل ويعطر السرير ويمسح اسفله والا تراكمت الاتربه فتؤدي للحشرات ولا تنس رشها

-عند طهي البانيه نضع ملعقه بيكنج بودر لللدقيق ومثلها بودره لبن يجعلها هشه…

_واخيراً مسح التلاجه او البوتجاز بالكلور يعرضهم للتقشر فيكفي ماء وخل