الراجل النكدى رزق
متابعه غاده المصري
قولى ليه كده هتعملى أيه بالراجل الحنين !!! هيبقى يومك كله رومانسية فى رومانسية حاجه حمضانة كده
تعالى بقى أقولك ميزة الراجل النكدى !!!
ورقة وقلم وإكتبى معايا يا ست الكل
اول حاجه من كتر النكد هتروحى لمامتك كتير علشان تشكيلها
(صلة رحم)
هتتخانقوا كل يوم فتكلمى أصحابك وتقابليهم علشان تفرفشى
(نشاط اجتماعى)
هتنزلى تتمشى فى الشوارع وإنتى بتعيطى علشان تفكى عن نفسك (نشاط رياضى)
هتتفرجى على مسلسلات تركى وأفلام هندى رومانسية
(نشاط ترفيهى)
ممكن تشتغلى أو تدرسى (نشاط تحفيزى)
ممكن بقى لو مقدرتيش تستحملى كل ده تجرجريه فى المحاكم (نشاط عسكرى وقانوني)
وفوق كل دول هتبقى بتستغفرى طول اليوم وكده تبقى كسبتى الآخرة كمان !!!
عرفتى ليه الراجل النكدى رزق ما تفرطيش فيه
