عاوزاك تعيش
ارجع واعيش علشان تشوف الحق حق
واوعاك تغمض للحنين لو قلبي دق
واوعاك تلوم الناس على المقسوم
وان جيت فى يوم
تندم على المهدور
بص لطرق النور
وكمل خطوتك
وفى سكتك
سلم على الأحباب
اوعاك لباب الود تهجر
أود ترد الباب
اوعاك تقاوح
روح و صالح ضحكتك
واحلف عليها ميت يمين
لتكون رفيقة طلتك
حكم الهوى غلاب
وادعي لقلبي لو فى يوم
يخطرعلى بالك
ارفع مراسى المر والوجعة
قوى العزيمة وشد فى حبالك
طول الطريق سنداك بكف الحب
لا سمعتني…ولا شوفتني
ولا عشت ف خيالك
اسرح كما النورس وعدى بحور
وارجع كما القمري على جبالك
لسانى عشة شوق محفورة
لسانى وردة عشق مبدورة
لسه فى قلب الرجا
صوتى بيندهلك
اوعاك تسيبني اهلك!
سجادة مفروشه ف هويد الليل
بدموعي بتوضأ
وبقلبي دعيالك
ارجع وقول ان الدعا
نور عنيك وشق.
