ذاكريلهم بدون شبشب ..سلاح الأمهات بالمذاكرة
متابعه.. شيماء العراقي
قبل اي حاجه فكري كويس … علاقتك بولادك اهم ولا المذاكره ؟؟
اكيد طبعا علاقتك بيهم اهم ولو فكرت شويه هتلاقي انك بعد ما كبرتو اتاكدتى أن التفوق الدراسي مش هوا سيبيل النجاح ابدا .. كم دكتور مش ناجح تعرفون في حياتك .. كام مهندس كاره شغلته لانه مش حاببها …
المذاكره الصح خطوات
أولا قبل البدأ في المذاكره ..
✓متعليش سقف توقعاتك مع طفلك … يعني في طفل بيحصل بس بطيء هوا كده تقبلي وضعه ومتطلبيش منه ينجز في وقت قصير وهوا ميقدرش عالمده دى ..
✓ اختاري مكان عادى بعيد عن المؤثرات ويكون مناسب من حيث الاضاءه والهدوء والتهويه .
✓ اعملو قائمه بالواجبات المطلوبه منه في اليوم وجزءوها .. في ورقه وقدام كل قطعه دائره مثلا يلونها لما يخلصها .. هينجز اسرع بكتير .
قبل المذاكره .. العب مع ابنك نص ساعه مثلا عشان يدخل عالمذاكره بنفس
ثانيا .. اثناء المذاكره .
استراحه ١٠ دقائق كل نص ساعه .. ممكن نزود المده مع السن الأكبر .. مهم جدا يفصل لان اكتر من كده هيمل واستيعابه هيقل .
لو ابنك كبير وبدأ يقدر يفهم الدرس لوحده .. سيبيه يذاكر بنفسه وادخلي في الحاجه الصعبه بس في الشرح .. غير كده أكتفي انك تساليه في الدرس بعد الانتهاء من المذاكره
عودهم يقراو مجمل الدرس الاول لأن العقل بيفهم اسرع من المجمل للجزء .
جربي طرق تانيه ممتعه لان المذاكره والضغط بيخلوها مربوطه عندك وعنده بالالم والاحساس بالخنقه .. لجنة الدرس .. اديهلم كأنه قصه .. هيفرق جدا معاهم ومعاكى.
واخيرا بلاش طول السنه يبقي كل الهم المذاكره .. اديهم مساحه يلعبو .. يرسمو.. يخرجو .
دمتم آباء رائعين وأمهات رائعات
