إرضي غرورك … الشاعر فارس القرشي
لو يسألوك ازيها
و عامل ايه مع حبها
و إزاي دخلت لقلبها
إكدب و صدق صوت غرورك
إرضي غرورك وقتها
قول للجميع ..أنا سيبتها
هي أشترت .. و أنا بيعتها !!
إكدب و عيش وهمك و دورك
إكدب و صدق صوت غرورك
قول إن عيني م الدموع
دايبه بتحلم بالرجوع
ببكي علي ضوء الشموع
و أتمني لو لحظة أشوفك
إكدب و صدق صوت غرورك
إكدب و صدق كدبتك
قول إني كنت لعبتك
أكتر حبيبة حبيتك
و غرقت من عشقي ف بحورك
إكدب عشان تثبت غرورك
و أنا لو ف حبك راهبة
ح أقول دا كانت تجربة
و لا أسئلة و لا أجوبة
و أنساك و أسيبك عايش ف دورك
إكدب و صدق صوت غرورك
