تهنئة من القلب لمنقرظاتي المحروسة الشاعر علي فاروق

تهنئة من القلب لمنقرظاتي المحروسة الشاعر علي فاروق

عيد ميلاد سعيد يا أستاذنا أب و صديق غالي و أحلى هدية لعيد ميلادك كلماتك الجميلة كل عام و حضرتك بخير و سعادة

النهارده يوم ميلادي

و الصباح جميل و نادي

م الساعة دي اللي يفوت

الهدايا بنكنوت

ين

استرليني

أخضر

أو ريال من السعودي

حتى لو بالمصري عادي

و إوعوا حد يجيب جاتوه

مش بأحبه ياخلق هووه

و التورت شغلة أعادي

من بتوع بابي و دادي

هاتوا لو هتيجوا عندي

كام خروف حاشيينه مندي

تبقوا ناس عارفه تهادي

ناس بتفهم إيه مرادي

و اللي راح يخلف و يحلف

عذره مقبول لو هيصرف

عنه قلبي هيبقى راضي

غير كدا ماأشوفوش قصادي

المنقرظاتي