كفاياك رتوش … للشاعرة منال محمد
كفاياك رتوش
العمر اهو عدى
وخذلنا م اللي مايسوى
واللي مايسووش
واللي جرحنا
واللي علي فشوش
مستغرب ليه ؟!
أيام العزلة بتعافي
اللي مايتعافى
والعمر كام فاضل في
للي يتعاشر
و اللي ما يتعاشروش
هتسيبهم خالص أو يمكن ترجع بعدين
هتحاسب نفسك لو تجعل منهم أحياء
هتحاسب نفسك صدقني
حساب ملكين
البايع بابع لو حتى
كان يوم من أهلك و أحبابك
الخاين طامع ولا نافع
لو سايب له كل منابك
القسمة ماتقبل علي أتنين
والعمر مفوش كمان عمرين
لتكمل ليهم غزل سنين
وتشوف وياهم ومعاهم خذلان الطين
مش بنآدمين
دي عجينة حويطة وغويطة
تتشكل جدًا في ابلسه وأصول تعابيين
هنسيبها لروحهم ولغيرنا
ماحناش راجعين
ونصيبنا علي الله والله
أحنا العايشين
هنعيشها لمين تاني وراهم
ماحناش عايزين
ماحناش ناقصين
