بريك التونسي على طريقت امهاتنا مع بعض الإضافات مع شاف عمر

بريك التونسي على طريقت امهاتنا مع بعض الإضافات مع شاف عمر

المكونات

 10 كعبات ملسوقة

بيض

1بطاطا

150 غرام لحم مفروم او اسكالوب دجاج

اوراق معدنوس

بصلة

كعبات كبار

زيت عباد الشمس

كركم

فلفل اكحل

ملح

هريسة حسب الرغبة

100غ جبن مرحي

مغرفة كرام فراش

طوابع جبن🧀

الطريقة

في طنجرة نصمت كعبة بطاطا في الماء و الملح نحط في مقلاة لحم المفروم مع الزيت و نخليهم يتقلاو و نزيدهم للبصل مقصوص ناعم و نحرك مليح مع اضافة فلفل اكحل كركم و ملح نحط المعدنوس مقصوص و نخليهم يطيبو مبعضهم ثم نضيف مغرفة قهوة هريسة جبن مرحي و طوابع جبن مثلثات و نحرك مليح و نزيدهم مغرفة كرام فراش و في نفس الوقت نرحي البطاطا و نزيدها للخليط و نحركهم مليح ليتجانس الخليط و مطعم يولي هبال

نحط الزيت على النار و صحن في ورق باش يشرب الزيت كنخرج لبريكة و صحن مصطح لتحضير لبريكة نحط فيه الورقة مغرفة من الخليط الي حضرناه و كعبة عظم و كعبتين كبار و نسكروها مع مسح الاطراف ببعض البيض باش تشد بعضها و نحطوها في الزيت نقلبوها على الجنبين حتى تحمار و نخرجوها نحطوها في الصحن علىورق المطبخ باش تشرب الزيت و نعيد الكرة حتى نكمل كعيبات لبريك

أبن بريكة الي عضمتها مروبة و عز الحشو اللحم و ان شالله ما طولتش عليكم و ما تنساوش القارص  و عصرة ماشية و جاية يا عيني ياعيني

صحة و بالشفاء

شاف عمر