عمري انتَ … بقلم ايمان العطيفى همسات جنوبيه

عمري انتَ … بقلم ايمان العطيفى همسات جنوبيه

لو هقول سنة جديدة

إيش أقول ؟!

انت عندى كل عمرى

وبيك يطول

انت أصلي ..

اللى علمني الأصول

لو هعيد الذكريات

واللي عدااا.

مين يقول انى أنا

بنت النهارده.

وان كل الماضى فات

وانك انت بصبر قلبك

صونت عشرة عمركامل

بالموده.

وان حبك غير الكون ف عيوني

وان حلمك ضمني وهدى جنوني

وان بيتنا …بيك يا شمس الصبح نوّر

وان أولادنا وسام ع الصدر حواليه

ألف ورده.

شوف ياغالي ….

طرح شوقنا فى العيال

الدكاتره ….

نسوا قلبي ظلم ياما

نسوا عيني دمعها تحت الغمامه

نسوا ودني قيل.. وقال..؟!

زرعتك طرحت جناين مش جنينه

أربعه والله أكبر ف الأعادى

يملوا كل الكون علينا.

دعوتي ليك النهارده

لما ييجي العيد ميلادى وياهجري

أول التلاته هالل

ويا اول يوم يناير

يعنى دعوه رجبية

من بهية

ليك أدوم حلوة ف عنيك

واني أفضل باقي عمري

أغلى ناسك واللى ليك

واني أفضل كل يوم نفس الحبيبة

اللى قاست ،واللى عانت

واللى خطت فوق سدود الغدر

مجبورة وعنيدة

أني أقضي الباقي من عمرى معاك

سيدى انت

وكل ما املك

وعمري ياعزيز عيني

فداااك.

ايمان العطيفى همسات جنوبيه