نصيحه اانهارده لكي يا ست الكل
1.لما تعملى ارز بشعرية وانتى بتحمرى الشعرية خلى لونها دهبى بيبقى الرز فاتح وزى اللولى الرز المصرى 2 كوب رز عليهم ٣ ونص كوب مية ..ونص كوب شعرية والملح حسب زوقك
2.نسيتى معيار الماية لسقى الرز يبقى بعقلة صوباعك و الطريقة دى ناجحة بتكون اعلا من الرز ب عقله واحده..بس اوعو تكون صوابعكم طويله
3.لما تيجى تسلقى مكرونة بنحط ملح فى الماية قبل ما تغلى علشان نعمل معادلة لطعم
4.طشة الملوخية بتحمرى الثوم فى معلقة سمنة الاول ولما يبدء يدخل على اللون لدهبى نزلى عيهم الكسبرة تقلبتين وطشيه وماتنسيش الشهقه
5.لما تيجى تعملى شوربة الملوخية حطى فيها شوية ثوم مفروم وكسبرة ومكعب مرقة دة لو الشربة مش دسمة لو دسمة نستغنى عنة وابقى حطى رشة سكر
6.دقيق البسبوسة اسمو( سميد)او (سمولينا)
7.دقيق البسيسة اسمو دقيق ذرة
8.الشربات الحلويات اسمو سيرب او قطر او شربات
9.انواع الزيوت (ذرة//عباد//زيتون)بالنسبة لعمل الأكل
10.انواع السمنة(نباتى //بقرى)
11.الزبدة(بلدى//صفراء)
12.ورد الكشرى (البصل المحمر)علشان يبقى كرسبى بعد ما تقطعى رشى عليه رشة نشا
13.صلصة الكشرى ابشرى طماطم وسبكيها ونزلى الصلصة غلوتين واعملى طاشة ثوم وكسبرة وطفيها بمعلقة خل ودى طريقتى المفضلة
14.شطة الكشرى الزيت حمرى شطة فى زيت ساخن وطفى بالصلصة بتاعت الكشرى
15.لو معندكيش زبادى وهتعملى معجنات هاتى كوباية لبن وعليها معلقة خل
16.بديل البيكنج بودر كربونات ومعلقة خل بس ماتكتريش لانه ممكن يغمق الكيكه
17. محشى ورق العنب اعصرى ليمونة قبل السوا على وش الحلة
18.لما اكلة ملحها يزيد منك حطى قطع تفاح او بطاطس تمتص الملح الزائد
19.لما تكونى هتسلقى لحمة او فراخ خلى الماية تغلى اوى و تكونى نقعة اللحمة فى ماية وخل والفراخ نفس الكلام علشان نطرى الانسجة واى رائحة ظفارة تروح منها بس طبعا بنشطفها قبل ما نضعها فى الحلة
20.لما تيجى تحمرى بصل لأى نوع أكل حمرى على نار هادية هتفرق فى الطعم ومش ها تتحرق منك
21.اول ما تدخلى مطبخك خلى عندك اولويات ازاى يعنى لو هتطبخى طلعى اللحمة انقعيها ولعى على ماية علشان تسلقيها والخضار ابدئى جهزى والرز بتعمليه اخر حاجة علشان يبقى سخن
22.مكرونة الكشرى بعد ما بنسلقها بنحط عليها معلقة زيت ونقلبها علشان ما تمسكش خناق فى بعض تبقى منفصلة عن بعدها
23.كل حاجة اعمليها بحب و بدون استعجال حبى مطبخك هطلعى احلى واطعم شغل
24.الوصفة اللى عينك ترتاح لها جربيها العين بتاكل قبل الفم
25.قبل ما تعملى معجنات اختبرى الخميرة الاول لو عملت فقعات هوا تبقى شغالة لو زى ما هى تبقى لا تصلح الاستخدام
26.اختبار البيكنج بودر هاتى كوباية فيها شوية ماية و حطى رشة لو فار يبقى شغال لو زى ما هو يبقى يصلح
27.الرز البسمتى 2كوب ارز عليهم 4 كوب ماء
28. لما تشترى بتنجان رومى نقى الخفيفة
29.البطاطس بلاش تنقى اللى فيها بقع خضراء
30.اللحمة اشترى قطعة يكون فيها حتة دهون علشان تعمل طعم حلو للشوربة
31.السمك اشترى السمكة اللى عينها بتلمع والجسم يكون ناشف مش طرى والقشر ماسك مش بيطلع فى ايدك والخياشيم وردى وريحتها حلوة مش ريحتها وحشه
32.الفينو نشف عندك اطحنى وحطى علية توابل وبقى عندك فجيتار بيتى
33.خلى عندك نظرة دايما لحاجاتك يعنى تعرفى الاكل دة يكفى فردين امتى انزل اشترى اللى لزمنى اية اللى اقدر امشى نفسى بيه
34.البيض تحطى فى الثلاجة لانه مش بيستحمل بيبوظ بسرعة
35.اللبن لو قطع منك اعملى قرص او زبادو او كيك او بشاميل بس ما يكونش مرر منك
36.بتخافى من البشاميل يكلكع..اعمليه عالبارد اضربى المكونات بدون سمن فى الخلاط وعلى نار هادية وقلبى لحد ما يتقل معاكى وضيفى فالاخر ملعقتين سمن
37.سمك عجينة البينزا بيكون نص سم
38.سقى محشى البتنجان والكوسة والفلفل نص الحلة لانهم مش بياخدو سوا
39.رصى ورق العنب او الكرنب فى الحلة خلى فراغات بسيطة بينهم علشان يستوى براحتو والسقى يدوب الشوربة حوالية
40.حاولى بقدر الامكان تعملى حاجاتك فى البيت زى تدميس الفول وعجينة الطعمية والبرجر و الكبيبة و المعجنات والكيك والحلويات والصابون بتفرق معاكى كتير وكل دول اسهل ما تتخيلى
منقول
